euge

Undarlegt, það er eins og nafnið Quintus sé fast í hausnum á mér. Bráðum fer ég kanski að nota það sem upphrópun, í stað þess að segja Jónas eða Óli.

Ég kann ágætlega við Quintus, og sérstaklega þá staðreind að hann var skáld.

Ég met góð skáld og góða rithöfunda mikils (hér ætti ég eflaust að nota gen.pretii) (<-vonandi rétt srkifað)

Eiginlega ætti ég að vera að læra. Í gær hefði ég líka þurft að nota tímann betur en þar sem ég gat ekki fest hugann algerlega við grískuna og latínuna dundaði ég mér á annan hátt. Hér fyrir neðan má sjá afraksturinn


Cupio

brestur hinn rauði vefur
flæðir yfir bakka
stjarna beggja
en vötn eru tóm

brestur nú annar vefur
klofnar himins hvelfing
stendur þó enn
en vötn eru tóm

numquam, numquam
eins og þú, Quintus
ég fæ það ekki gegn

brestur heila von
er nú öllu lokið
sem ekki var
eða fyllist tóm

bresti nú ekkert meira
nú hugur er þar
milli okkar
og ekkert er tóm

(var samt að velta fyrir mér hvort ekki ætti frekar að vera viðtengingarháttur í síðustu vísunni, þ.e --> hugur sé þar . . . . . ekkert sé tóm)

Mig langaði líka að segja að ólíkt síðasta þriðjudegi þá var þriðjudagur gærdagsins mjög fínn.

p.s - - ég bið afsaka allar stafsetningavillur