MR gegn ví

nú vex hrokinn

misvísandi tiltlar

sem dæmi mætti nefna Hot mama með Trace Adkins, myndbandið er mjög sérstakt, eða I loved her first með Heartland

föstudagur til frægðar

í dag er merkisdagur

ég keypti mér veðurfæðibók áða í Bóksölu stúdenta - ekki það að ég sé að fara að læra veðurfæði en samt... og svo er auðvitað Gettu betur í kvöld; MR geng versló. ætli maður fari ekki á það, Smáralindin er jú ekki neitt voðalega langt í burtu.

löng er leiðin
lötum fótum...

Fliegerass

orðið gæti misskilist ef áhersla er sett sérstaklega á seinni hlutann (ass)
hliðstætt orði í ensku er flying ace og er skilgreiningin á því (samkvæmt wikipediu) herflugmaður sem hefur skotið niður fimm eða fleiri óvinaflugvélar í bardaga

hugleiðing

ég hef oft vellt því fyrir mér hvort Germany og Germans hafi eitthvað með orðið germs að gera

það var skal ég segja þér_____ *djúpt hugsi

ég er alltaf að gleyma einhverju sem er reyndar orðið frekar bagalegt. stundum upphusga ég góðar setningar til að setja niður á blað en um leið og ég hef skrifað fyrsta orðið þá er restin horfin úr huga mér. svo eru aðrir tímar þar sem ég þarf að læra orð utanbókar og þá lendi ég í hinum mestu vandræðum þá man ég annað hvort orðið og ekki þýðinguna eða þýðinguna og ekki orðið. en helsti kosturinn við þett allt saman er að loksins þegar ég hef fest mér eitthvað í minni með miklum erfiðleikum þá er það varanlegt.
en segjum þetta gott í bili, ég ætla að halda áfram að troða misgagnlegum upplýsingum í höfuðið á mér...

tempus fugit

það getur verið mjög neyðarleg í kennslustundum þegar kennarinn tekur eftir því að nemandi er alltaf að líta á klukkuna. sjálf hef ég þróað með mér þá aðferð að líta snöggt upp, skima í kringum mig um leið og ég gjóa augunum í átt að klukkunni og allt þetta á meðan kennarinn er með athyglina við eitthvað allt annað.
ég geng nefnilega aldrei með úr

Magnús í Bræðratungu

svo sannarlega verstur allra

æðri menntun

felst í að geta slengt fram orðum eins og
*anoete, *fallos, *komazein , *perdomai, turpissime, pereat, molestus

-góðum upphrópunum : di immortales, o tempora o mores, alia iacta est, *kai su teknon

-gáfulegum setningum: cogito ergo sum, non scholae sed vitae discimus, nunc est bibendum, beatus ille qui procul negotiis...

-og nytsamlegum orðum: *alla, *kai, ergo, id est, quod erat demonstrandum, ante meridie, et cetera,

og svo er auðvitað líka hægt að sækja orð úr íslensku sem ekki eru á allra vörum
- kapall, ýtar, sneyptur, blauður, röðull , kýll

(*ættu að vera með grísku letri)

* æðri menntun felst einnig í því að hafa lært þessi orð og geta síðan gleymt meira en helmingnum af þeim

hummm.....

stundum vildi ég að til væru nýstárlegir tilberar sem sæu um að fara í sendiferðir fyrir mann og gera hluta af heimavinnunni.
ég held samt að mig langaði frekar í gandreiðabeisli, gallinn er bara sá að það þarf að hafa ansi mikið fyrir því að útvega eitt slíkt...

múhahahaha

vá, ég var að skoða gömlu blogsíðuna mína og Telmu og jemundur minn, við höfum verið -hóst - hóst - ekki alveg innhverfar en kannski.... eins gott að við hættum að skrifa svona bull fljótlega eftir að síðan fór á netið----- bleiki tannburstinn er enn á topnum, allar fáránlegu síðurnar, það hefur ekki verið skrifað á síðuna síðan einhverntíman 2005
og svo skoðaði ég aðra blogsíðu frá mér frá svipuðu tímabili og jamzzzzz - ekkert mikið um það að segja en svo virðist vera sem ég haldi ekki út að skrifa á netið (haha - alveg sama hvað ég reyni) - ég gafst upp á tasmaniu gafst upp á transilvaniu gafst upp á geocities síðunni minni (það er linkur á hana hér fyrir neðan í öðru blogi) og annarri geocities síðu sem ég man ekki lengur netfangið á og svo ekki sé talað um allar síðurnar mína sem aldrei fóru á netið - eða jafnvel þessi síða hérna - hún hefur aldrei verið mjög virk - maður skrifa nokkra daga í röð, heldur kannsi út í mánuð eða tvo og síðan kemur löööönnnngggg páááásssssaaaaaaa

laugardagur

við skuppum út á Selfoss í dag og heimsóttum ömmu. þar voru margir samankomnir vegna þess að í síðustu viku átti amma 75 ára afmæli. þar var líka frændi minn, sem nefndur er eftir Eiði Smára. hann er ansi hress krakki, talaði heilmikið um Tomma og Jenna og eftir að hafa sýnt okkur margskonar teyjuæfingar á gólfinu sagði hann okkur að hann ætlaði að verða teyjukall og fótboltakappi þegar hann yrði stór.

í dag hef ég einnig bætt við tengli í tenglasafnið en hann leiðir á airbrush-síðu Poulsen sem bróðir minn hefur bloggað á og haf umsjón með. það er nefnilega þannig að í sumar kemur til landsins þekktur airbrush-málari (CRAIG FRASER) og heldur airbrush-námskeið fyrir byrjendur og lengra komna. það er aldrei að vita nema maður skelli sér á eitt slíkt námskeið.

hampur eða kannabis ?

hampur er víst noðað yfir allar Kannabis-plöntutegundir en þó aðallega yfir Cannabis sativa. það er ekki spurninga að auðvitað er mun fágaðra að segja hampur heldur en kannabis, af augljósum ástæðum.

mér líður eins og það sé sunnudagur...

...en það er víst laugardagur
og snór úti
sem minnir mig á það hve mikið ég held upp á hvítan lit...

gleðiefni - strumpar

ég gladdist mjög í dag þegar ég komst að því að strumpaegg eru aftur orðin fáanleg í búðum. og ég gladdist enn meir þegar mín kæra móðir kom með strumpaegg heim handa mér. og það sem er best af öllu er að hún valdi strump sem hæfir mér; vampírustrump. ég er að hugsa um að kalla hann annað hvort Vampírustrump eða Bran - Desmondus nafnið er ekki við hæfi.
ég held ég eigi orðið hátt í 40 strumpa. ég fékk marga frá bræðrum mínum (sem eru þó nokkru eldri en ég) en afganginn fék ég á páskaeggjum. mér hefur alltaf þótt Kraftastrumpur ansi svalur, en síðan ég fékk Flugdrekastrumpinn hefur sá verið í uppáhaldi hjá mér - kannski vegna þess að þegar minn kæri faðir flaug um á flugdreka þá var hann með alveg eins strump á hjálminum.
áfram strumpar!!!!

óyndisormur alla daga

ef ég hefði horn hefði ég hugsanlega allt á hornum mér

de me

mér leiðist netið
ég þoli ekki tölvur
ég fyrirlít stjórnmál
og allmennt séð geðjast mér ekki að fólki

það hlýtur að vera eitthvað að ...

mér finnst alltaf jafn frábært þegar fólk segir samræði þegar það ætlar að segja samráð

var ég búin að minnast á að ég þoli ekki tölvur?

body bgcolor=navy

rétt í þessu var ég að grafa upp gömlu html bókina mína, góðar minningar. sú var víst tíðin að ég sat heilu dagana og skrifaði heimasíður á html formati. ég var meira að segja farin að kunna utanaf hvernig skrifa ætti upp séríslenska stafi & # 192 ; eða & # 198 ; en nú þarf ég til þess bókina mína...
ég held ég eigi allavegana fimm uppskrifaðar html heimasíður í tölvunni hjá mér. ein er enn á netinu (hér -fáránleg slóð, ég veit) - en hún er ekkert sérlega flott. samt var ég frekar ánægð með bannerinn sem ég gerði í photoshop.

mér leiðast bloggfærslur

mitt uppáhalds orð þessa dagana er orðið svöðusár.